Нұр-Сұлтандағы театр фестивалі "Қыз Жібек" операсымен ашылады
"All Nur-Sultan Week театры" халықаралық фестивалі елордада 28 қазанда басталатыны белгілі. Театр апталығының салтанатты ашылу рәсімі "Астана Опера" Мемлекеттік опера және балет театрында өтеді. Ресми бөлім "Астана Опера" әртістерінің орындауындағы "Қыз Жібек" операсымен жалғасады.
Жаңа музыкалық редакцияның авторы - қоюшы дирижер, Қазақстанның еңбек сіңірген қайраткері Абзал Мұхитдин.
Дирижері - Руслан Баймурзин, ал қоюшы – режиссер - Михаил Панджавидзе. Қойылымды қоюшылар ұлттық классиканың жаңа қырын ұсынады. 3D-технологияны пайдаланудың арқасында "Қыз Жібек" халықтық лиро-эпостық поэмасы көрерменнің көз алдында жандана түседі: проекцияда көрсетілген керуен қозғалысы күтпеген жерден сахнада, тірі жылқылар мен түйелердің қатысуымен жалғасады.
"Астана Операның" фестивальде ұсынатын екінші қойылымы - "Жизель" балеті. Қоюшы-балетмейстер-Ресейдің Халық әртісі Алтынай Асылмұратова.
Сюжеттің негізінде Вилис туралы аңыз жатыр - бақытсыз махаббаттан қайтыс болған елес қыздар. Енді олар жас жігіттерден кек алады. Олар той көйлектерін киіп, жігіттердің соңғы демі қалғанша оларды айналдырады. Екі актідегі балет 30 және 31 қазан күндері сағат 18:00-де көрсетіледі.
"Nur-Sultan Theatre week" халықаралық фестивалінің ашылуы - еліміздің мәдени өміріндегі үлкен оқиға. Театр апталығы аясында 11 ұжым 20-дан астам қойылым көрсетеді. Бұл тамаша фестиваль "Астана Опера" театры сахнасында өтетіні біз үшін үлкен құрмет. Театрымыздың шығармашылық ұжымы аты аңызға айналған "Қыз Жібек" операсының ауқымды қойылымын ұсынады. Театр апталығының келесі күндері де мазмұнды болып, асқақ өнерді сүйетіндердің жадында ұзақ сақталатынына сенімдімін. Фестивальге жарқын сәттер, ойын - сауық спектакльдер, танымал әртістердің өнер көрсетулерін, жаңа жұлдыздардың пайда болуын және көрерменнің ыстық ықыласын тілеймін", - деді "Астана Опера" Мемлекеттік опера және балет театрының директоры, ҚР Еңбек сіңірген қайраткері Ғалым Ахмедьяров.
Естеріңізге сала кетейік, фестиваль қатысушылары мен қонақтарының денсаулық қауіпсіздігін қамтамасыз ету мақсатында іс-шараларға кіру "Ashyq" қосымшасы арқылы жүзеге асырылады, санитарлық нормалар қатаң сақталады.
Вам может быть интересно: «Қазақстанда 20 жыл ішінде кедейлік деңгейі 9 есеге жуық төмендеді»
