Павлодарда трамвай адамды мерт қылды: Жүргізуші қашып кеткен
Павлодарда трамвай жаяу адамды қағып, мерт қылды. Рельсті көліктің жүргізушісі апат орнынан кетіп қалған, бұл туралы POLISIA.KZ хабарлайды.
«29 маусым күні сағат 22:27 шамасында қала полициясына Мәшһүр Жүсіп – М.Горький көшелерінің қиылысында трамвай вагонының жүргізушісі 58 жастағы жаяу жүргіншіні қағып кеткені туралы хабарлама түсті.
Жол апаты салдарынан жаяу жүргінші алған жарақаттарынан оқиға орнында қаза болды.
Оқиғадан кейін жүргізуші қозғалысын жалғастырып, апат орнынан кетіп қалған.
Осы факті бойынша полиция ҚР Қылмыстық кодексінің 345-бабы 3-бөлігі бойынша сотқа дейінгі тергеп-тексеруді бастады.
Қажетті сараптамалар тағайындалды. Трамвай анықталды, тексерілді және мөрленді», - делінген полиция мәліметінде.
Вам может быть интересно: «Майк Пенс встретился в Киеве с Владимиром Зеленским»
