Жыл басынан бері еңбек инспекторлары 426 кәсіпорынға 64,6 млн теңгеден астам сомаға айыппұл салды
Жыл басынан бері мемлекеттік еңбек инспекторлары 11,4 мыңнан астам жұмыскердің құқығын қорғады, деп хабарлайды ҚР Еңбек және халықты әлеуметтік қорғау министрлігінің баспасөз қызметі.
2023 жылғы 1 мамырдағы жағдай бойынша Мемлекеттік еңбек инспекторлары республиканың 426 кәсіпорында 13,6 мың жұмыскердің алдында 2,6 млрд. теңгеден астам сомаға жалақы бойынша берешекті анықтады.
Осы кәсіпорындардың басшыларына орындалуы міндетті 445 нұсқама беріліп, 64,6 млн теңгеден астам сомаға айыппұл салынды.
Қабылданған шаралар, соның ішінде жалақы бойынша берешекті өтеудің қатаң кестелері мен мерзімдерін белгілеу нәтижесінде 11,4 мыңнан астам жұмыскердің құқықтары қорғалды. Оларға 2,1 млрд теңге төленді.
Вам может быть интересно: «Гострайтер принца Гарри рассказал о процессе написания автобиографии «Запасной»»
