IT-қызметтер көлемінің жартысынан астамы БЖ әзірлеуге және қосымшаларды орналастыруға тиесілі, деп хабарлайды energyprom.kz
ҚР-да IT саласындағы қызметтер көлемі 2021 жылы 646 млрд теңгені құрады. IT қызметтерінің негізгі алушылары ҚР резиденттері болды, оның 575,3 млрд тг заңды тұлғаларға арналған қызметтерге және 32 млрд тг жеке тұлғаларға арналған қызметтерге тиесілі болды, бейрезиденттерге 38,7 млрд тг-ге IT-қызметтер көрсетілді.
ҚР-дағы IT қызметтері көлемінің жартысына жуығы Алматыға тиесілі: 307,5 млрд тг. Сондай-ақ, секторда көрсетілетін қызметтердің едәуір көлемі Нұр-Сұлтан (243,7 млрд тг), Қарағанды (22,9 млрд тг) және Павлодар (21,4 млрд тг) облыстарында көрсетілген.
Көрсетілген IT-қызметтердің түрлері бойынша ең үлкен көлем бағдарламалық жасақтаманы әзірлеуге тиесілі (204,8 млрд тг), одан кейін қосымшаларды орналастыру және осыған байланысты қызмет (128,3 млрд тг).
Сондай-ақ, бағдарламалық жасақтаманы сүйемелдеуге (58,6 млрд тг), ақпараттық технологиялар саласындағы консультациялық және практикалық қызметтерге (49,2 млрд тг) және мемлекеттік электрондық ақпараттық ресурстар мен жүйелерді қалыптастыру мен дамыту шеңберінде ақпараттық-коммуникациялық инфрақұрылымды басқару жөніндегі қызметке (29,6 млрд тг) елеулі көлемі тиесілі болды.
Бейрезиденттерге көрсетілген IT қызметтерінің ішінде негізгі көлем АҚШ (9,2 млрд тг), Ресей (5,7 млрд тг), БАӘ (4,8 млрд тг), Сингапур (3,7 млрд тг) және Ирландия (2,5 млрд тг) сияқты елдердің азаматтарына тиесілі.
Көршілес Қытай, Қырғызстан және Өзбекстанға тиісінше 513,6 млн, 408 млн және 323,1 млн тг тиесілі болды.
Вам может быть интересно: «Глава государства принял председателя ЦИК Нурлана Абдирова»
