Қазақстан мен Үндістан арасында тұрақты рейстер қайта ұша бастайды
Қазақстан мен Үндістан арасындағы тұрақты әуе қатынасы қалпына келтірілді. Бұл туралы ҚР Индустрия және инфрақұрылымдық даму министрлігі хабарлайды.
Қазақстан Республикасының аумағында коронавирустық инфекцияның пайда болуы мен таралуына жол бермеу жөніндегі ведомствоаралық комиссияның шешімдеріне сәйкес Қазақстан мен Үндістан арасындағы тұрақты әуе қатынасын қалпына келтіруге рұқсат етілді.
2021 жылғы 15 қарашадан бастап «Эйр Астана» әуе компаниясы Алматы – Дели – Алматы бағытында аптасына 3 рейс орындауды жоспарлап отыр.
«Рейстер санитарлық-эпидемиологиялық талаптарды қатаң сақтай отырып және әуе компаниясының сайтында жарияланған кестеге сәйкес орындалады», - делінген министрлік мәліметінде.
Еске салайық, 4 қарашадан бастап Ресейдің Калининград қаласына рейстер ұша бастайды. 7 қарашадан Әзербайжанға тұрақты рейстер орындалады.
Вам может быть интересно: «Назван продукт для восполнения дефицита железа в организме»
