Елена Рыбакина Әбу-Даби турнирінің жартылай финалына шыға алмады
Қазақстанның бірінші, әлемнің 10-ракеткасы Елена Рыбакина Әбу-Даби WTA 500 турнирінің жартылай финалына шыға алмады, деп хабарлайды ҚазАқпарат.
Қазақстандық теннисші ширек финалда әлемнің 14-ракеткасы, бразилиялық Беатрис Хаддад Майямен кездесті.
Осыған дейін бразилиялық теннисші екінші айналымда қазақстандық Юлия Путинцеваны ұтып кеткен еді.
Бұл жолы бірінші партияда Е.Рыбакина брейк жасап, сол басымдылықты сақтай білді – 6:3. Әйтсе де екіншісінде дәл сондай есеппен есе жіберді – 3:6.
Шешуші, үшінші сетте бразилиялық спортшы брейкпен алға кетті – 2:0. Ақыры матчты жеңіспен түйіндей білді – 6:2.
Екі сағат 5 минутқа созылған тартысты бәсеке барысында Е.Рыбакина 19 эйс жасап, 5 брейк-пойнттың біреуін ғана пайдаланды. Қарсыласы 2 эйс, 3 брейкпен (5 брейк-пойнт) көзге түсті.
Сөйтіп Хаддад Майя осы додада екі бірдей қазақстандық теннисшінің жолын кесті.
Бразилиялық теннисші финалға шығу үшін әлемнің 9-ракеткасы, швейцариялық Белинда Бенчичпен таласады.
Еске сала кетейік, бұдан бұрын Елена Рыбакинаның Әбу-Даби турнирінің ширек финалына шыққанын жазған болатынбыз.
Сондай-ақ Юлия Путинцева Әбу-Даби турнирінің ширек финалына шыға алмады.
Дэвис кубогінде Қазақстан құрамасы сырт алаңда Болгариямен кездеседі.
Елена Рыбакина Доха турниріне қатыспайтын болды.
Вам может быть интересно: «Министр полицейлердің адалдығын тексеру жөніндегі пилоттық жоба бойынша президентке есеп берді»