"Н. Назарбаев халықаралық әуежайы" АҚ Басқарма төрағасы Ерғазы Жолдасов Ақмола облысының әкімі Марат Ахметжановқа "Нұрсұлтан Назарбаев халықаралық әуежайы" АҚ – "Көкшетау әуежайы" филиалының жаңа директоры Ерлан Құсайыновты таныстырды.
Құсайынов Ерлан Қажығалиұлы, 2012 жылы "Фемида" заң академиясын бітірген. Еңбек жолын 2014 жылы "Көкшетау авиакомпаниясы"АҚ-да бастаған.
2014 жылдан 2019 жылға дейін - "Көкшетау авиакомпаниясы" АҚ-да әртүрлі лауазымдарда жұмыс істеді. 2020 жылы "Нұрсұлтан Назарбаев халықаралық әуежайы" АҚ – "Көкшетау әуежайы" филиалы директорының орынбасары болып тағайындалды.
Кездесуде сондай-ақ әуе айлағын дамыту перспективалары және халықаралық рейстерді іске қосу және Қазақстан бойынша маршруттарды ұлғайту мүмкіндігі талқыланды.
Айта кетейік, Көкшетау әуежайында Ақтау, Шымкент және Алматы қалаларына тұрақты авиарейстер орындалады.
