Қазақстанға турист ретінде келіп, Ресейге заңсыз өтпек болған шетелдіктер ұсталды - ҰҚК
Шекарашылар Ресей Федерациясы аумағына қарай мемлекеттік шекараны заңсыз кесіп өтуге әрекет жасаған бес шетел азаматын ұстады, деп хабарлайды Ұлттық қауіпсіздік комитетінің баспасөз қызметі.
«ҰҚК ШҚ Батыс Қазақстан облысы бойынша департаментінің шекарашылары 4 тамызда белгіленген өткізу пунктерінен тыс жерден Ресей Федерациясы аумағына қарай мемлекеттік шекараны заңсыз кесіп өтуге әрекет жасаған бес шетел азаматын ұстады. Олар Қазақстан Республикасына әуе жолымен турист ретінде келген. Алдын ала мәлімет бойынша, жақсы өмір сүру жағдайын іздеп Еуроодақ елдеріне жол тартқан. Ұсталғандар Батыс Қазақстан облысы Тасқала аудандық сотының қаулысымен әкімшілік жауапкершілікке тартылып, ел аумағынан шығарылды», - делінген ресми хабарламада.
Вам может быть интересно: «Reuters: Россия использует «теневой флот» для перевозки зерна»
