Академик Айтмағамбет Аипов елордада ардагерлер кеңесін басқарады

Спикер Маккарти пригрозил расследованием, которое может привести к импичменту Байдена

Астананың Нұра ауданында алтыншы ардагерлер кеңесі ашылды. Оның төрағасы болып 70 жастағы академик Айтмағамбет Аипов сайланды, деп хабарлайды қала әкімдігінің ресми сайты.

Қоғамдық бірлестік зейнеткерлердің, ардагерлердің құқықтары мен мүдделерін қорғаумен, аға буынның бос уақытын тиімді ұйымдастырумен айналысатын болады.

Ардагерлер кеңесінің қызметі бүкіл ауданды, оның ішінде Үркер елді мекенін де қамтымақ.

«Бүгіннен бастап ауданның зейнеткерлері мен ардагерлерін біріктіру үшін жұмыс істейтін боламыз. Бізге әлеуметтік, мәдени және қоғамдық мәселелер бойынша жүгінуге болады. Меценаттармен бірге әлеуметтік аз қамтылған, жалғыз тұратын зейнеткерлерге қамқорлық көрсетеміз. Сондай-ақ, қалалық мекемелер жанындағы ардагерлер орталықтары мен ұйымдарын одан әрі дамытамыз. Ардагерлер кеңесінің мүшелеріне сенім білдіргені үшін алғыс айтамын», - деді Айтмағамбет Аипов.

Қазіргі уақытта елордада 128 мыңнан астам зейнеткер бар. Зейнеткерлік жасқа толған әрбір адам тұратын жері бойынша әр аудандағы ардагерлер кеңесінің қатырына қосыла алады. Сондай-ақ, жалпы қала бойынша қызмет ететін ардагерлер кеңесі де бар.