Қазақстандықтар 8,9 млрд теңге зейнетақы жинағын сенімгерлік басқаруға берген
Зейнетақы жинағын сенімгерлік басқаруға беруді қалаған қазақстандықтар арасында ең белсенді тұрғындар – алматылықтар. Бұл туралы Бірыңғай жинақтаушы зейнетақы қоры хабарлайды.
«Биылғы 1 шілдедегі жағдай бойынша инвестициялық портфельді басқарушыларға (ИПБ) 2021 жылдың 18 ақпанынан бері 8,9 млрд теңге аударылды. БЖЗҚ 5 9991 өтінішті орындады. Аударымның орташа сомасы шамамен 1,5 млн теңгені құрайды.
Зейнетақы жинағын сенімгерлік басқаруға беруге болатын 5 компания анықталған болатын - «JUSAN INVEST» АҚ, «BCC Invest» АҚ, «Halyk Global Markets» АҚ, «Halyk Finance» АҚ және «Сентрас Секьюритиз» АҚ.
Зейнетақы жинаған ИПБ-ларға ең көп аударған тұрғындар – алматылықтар, 2218 өтінім мақұлданған. Аударылған сома – 4 172 млн. теңге.
Екінші орында – Астана тұрғындары, 1 415 өтінім мақұлданды, аударылған сома – 2 141 млн. теңге. Үшінші орында – Атырау облысы, 316 өтінім мақұлданды, аударылған сома – 433 млн теңге.
Вам может быть интересно: «Основатель компании — создателя ChatGPT запустил свою криптовалюту»
