Қазақстан мұнай өндіруді одан әрі төмендету бойынша консультацияларды жалғастыруда
Қазақстан мұнай өндіруші компаниялармен бірлесіп, ОПЕК+ алдындағы міндеттемелердің сақталуына мониторинг жүргізуді және мұнай өндіруді одан әрі төмендету бойынша консультацияларды жалғастыруда, деп хабарлайды ҚР энергетика министрлігінің баспасөз қызметі.
Ведомство мәліметіне сай, Қазақстанда соңғы уақытта әртүрлі себептерге, оның ішінде энергия көздеріндегі аварияларға, сондай-ақ кен орындарында ағымдағы және күтілетін жоспарлы жөндеу жұмыстарына байланысты өндірудің төмендеуі байқалуда, бұл тұтастай алғанда республиканың ОПЕК+ келісімі аясында өзіне қабылдаған міндеттемелерді сақтау жөніндегі ниеттерін іске асыруға ықпал етеді.
«Бұл ретте, республика мұнай өндіруші компаниялармен бірлесіп, міндеттемелердің сақталуына мониторинг жүргізуді және өндіруді одан әрі төмендету бойынша консультацияларды жалғастыруда» делінген хабарламада.
Айта кетейік, бұған дейін Қазақстан 2024 жылдың соңына дейін өндірілетін мұнай көлемін тәулігіне 78 мың тоннаға азайтатыны туралы жазған едік. Себебі ОПЕК + келісіміне қатысушы елдер мұнай өндіруге қойылған шектеуді 2024 жылдың соңына дейін ұзартуға келіскен болатын.
Вам может быть интересно: «FT узнала о возможной антимонопольной проверке ЕС в отношении Microsoft»
