Шеттегі қазақ диаспорасы балалары арасында ана тілі бойынша халықаралық олимпиада өтуде
Астанада шетелдегі қазақ диаспорасының балаларына арналған «Қазақстан – ата жұртым, қасиеттім – ана тілім» атты қазақ тілі мен әдебиеті пәні бойынша ХХ Халықаралық олимпиада басталды, деп хабарлайды Оқу-ағарту министрлігінің баспасөз қызметі.
Қазақ тілі мен әдебиеті пәні бойынша өтетін 5 күндік халықаралық олимпиадаға Моңғолия, Иран, Өзбекстан, Қырғыз Республикасы, Беларусь, Ресей Федерациясынан 80-ге жуық оқушы келді.
«Ережеге сәйкес қатысушы елдердің әр командасы 14-17 жас аралығындағы 8 оқушы, 2 жетекшіден тұрады. Олимпиада эссе, «Тарихи таным» зерттеу жұмыстарын қорғау, үй тапсырмасы бойынша шығармашылық таныстырылым секілді 3 турдан өтеді», - дейді «Дарын» Республикалық ғылыми-практикалық орталығының директоры Ғаждембек Тұрсынов.
Қазақ диаспорасының дарынды балаларын анықтап, оларды тілге, әдебиетке, тарихқа ынталандыруды көздейтін білім сайысының жеңімпаздары мен жүлдегерлері ҚР Оқу-ағарту министрлігінің I, II және III дәрежелі дипломдарымен, сондай-ақ алтын, күміс және қола медальдарымен марапатталады.
ЖОО-на 15 білім гранты және 10 қатысушыға жазғы оқу-танымдық ауысымға жолдама беріледі.
Вам может быть интересно: «В 2023 году урожай зерновых в Украине упадет на 5-7%»
