Қазақстан мен Сауд Арабиясы қорғаныс ведомстволары арасында байланыс орнатылуда
Астанаға Халықаралық ынтымақтастық департаментінің директоры бригадалық генерал Юсеф бин Абдулрахман әл-Тассан бастаған Сауд Арабиясы Корольдігі Қорғаныс министрлігінің делегациясы келді.
Іс-шараға Сауд Арабиясы Корольдігінің Қазақстан Республикасындағы Төтенше және Өкілетті Елшісі Фейсал Ханиф әл-Кахтани қатысты.
Қорғаныс министрлігінде делегацияны Қарулы күштер Бас штабы бастығының орынбасары генерал-майор Асан Жүсіпов қабылдады. Сондай-ақ кеңейтілген құрамда Қорғаныс министрлігі Халықаралық ынтымақтастық департаментінің бастығы полковник Олжас Құсайыновпен кездесу өтті.
Тараптар әскери білім мен ғылым, жауынгерлік дайындық және әскери-техникалық салада әскери ынтымақтастық орнату мүмкіндігін талқылады. Кездесуге қатысушылар атап өткендей, қорғаныс ведомстволары арасында қарым-қатынас орнатудың алғашқы қадамы тиісті құқықтық базаны құру болмақ.
Шетелдік қонақтар Ұлттық қорғаныс университеті мен Қарулы күштердің мемлекеттік әскери-тарихи мұражайында болды.
Вам может быть интересно: «Окаменелости доисторического «морского монстра» обнаружили высоко в горах»
