Қазақстан елшісі Қытай Төрағасына сенім грамотасын тапсырды
Қазақстанның Қытайдағы Елшісі Шахрат Нұрышев Қытай Халық Республикасының Төрағасы Си Цзиньпинге сенім грамотасын тапсырды. Бұл туралы ҚР Сыртқы істер министрлігі хабарлайды.
«Салтанатты рәсім шеңберіндегі қысқаша әңгімелесу барысында ҚХР Төрағасы Қазақстан Президенті Қасым-Жомарт Тоқаевқа жылы сәлемін жеткізді. Қытай басшысы Елшіге екі ел арасындағы мәңгілік жан-жақты стратегиялық әріптестікті одан әрі тереңдету мақсатындағы еңбегіне сәттілік тіледі.
Өз кезегінде Ш. Нұрышев Мемлекет басшысының ізгі тілектерін жеткізе отырып, Қазақстанның Елшісі лауазымында екіжақты стратегиялық әріптестікті жаңа сапалы деңгейге көтеру үшін барлық күш-жігерін салатынына сендірді», - делінген СІМ мәліметінде.
Вам может быть интересно: « Президент Байден почтил память армян, погибших в ходе геноцида 1915 года»
