Түркістан облысында құжатсыз темекі тасымалына тосқауыл қойылды
Түркістан облысында құжатсыз тасымалданған 176 500 қорап темекі анықталды, деп хабарлайды мемлекеттік кірістер комитеті.
Түркістан облысы бойынша мемлекеттік кірістер департаменті және Түркістан облысы бойынша Экономикалық тергеп-тексеру департаменті қызметкерлері бірлесе отырып, 20 ақпан күні жедел ақпарат бойынша Алматы - Самара тасжолында DAF маркалы автокөлікті тоқтатады. Тауардың ілеспе құжаттарына сәйкес, автокөлік Алматы - Москва бағында бара жатқан.
Көліктен акциздік марка немесе QR-кодсыз және тиісті құжаттарсыз тасымалданған темекі өнімдері (әртүрлі ассортиментте) анықталды. Жалпы саны – 353 кейс, әр кейстің ішінде 500, ал барлығы 176 500 қорап. Қазіргі таңда ҚР заңдары бойынша қылмыстық іс қозғау шаралары жүргізіліп жатыр.
Вам может быть интересно: «Инструкторы из Норвегии и Нидерландов будут помогать Германии тренировать украинских военных»
