БҚО шекарасында Ресейге пияз алып өтпек болған 24 көлік анықталды, деп хабарлайды Ауыл шаруашылығы министрлігі.
«Бүгін Батыс Қазақстан облысындағы «Сырым» өткізу пунктіне келген АШМ Агроөнеркәсіптік кешендегі мемлекеттік инспекция комитеті төрағасының м.а. тиісті түсініктеме берді. Кәсіпкерлер бұл мәселеге қатысты оң жауап берді. Нәтижесінде пияз тиелген 24 автокөлік Түркістан облысына оралды. Қазір «Сырым» өткізу бекетіндегі жағдай тұрақтандырылды», - делінген министрлік хабарламасында.
Айта кетсек, 28 қаңтарда Қазақстанда пиязды ел аумағынан әкетуге үш айға тыйым салынды. Бұл үшінші елдердің отандық көкөністерге деген сұранысына байланысты туындады. Сондай-ақ ҚР Премьер-Министрінің орынбасары Серік Жұманғарин еліміздегі пияз шектеулеріне қатысты түсінік берді.
Вам может быть интересно: «Криштиану Роналду жаңа командасындағы алғашқы ойынын 5 қаңтарда өткізуі мүмкін»
