Заңсыз отшашуға құмарларға 3,4 миллион теңге айыппұл салынды
2022 жылғы қаңтар–желтоқсанда ҚР елді мекендерінде пиротехникалық бұйымдарды пайдалану бабы бойынша 92 әкімшілік құқық бұзушылық қаралды, бұл бір жыл бұрынғыдан 28,1% аз, деп хабарлайды energyprom.kz.
Оның ішінде 76 іс бойынша әкімшілік жаза қолданылса, қалған 16 іс бойынша өндіріс тоқтатылды. Іс жүргізу басталған 76 істің 70-не айыппұл салынса, 6-на ескерту жасалды. Салынған айыппұл сомасы 3,4 млн теңгені құрап, 3,1 млн теңге өндірілді.
Салыстыру үшін: 2021 жылдың сәйкес кезеңінде ҚР-да осы сектор бойынша 128 әкімшілік құқық бұзушылық қаралып, көрсеткіш бір жылда 3% азайған.
Өңірлер бойынша қаралған құқық бұзушылықтардың басым бөлігі Алматы және Павлодар облыстарында болды: облыстардың әрқайсысында 11 іс, тиісінше бір жылда 31,3% азайған және 57,1% көбейген. Одан кейінгі орында Шығыс Қазақстан (10 жағдай, 47,4% азайған) және Қостанай (8 жағдай, бір жыл бұрынғымен бірдей) облыстары.
Жаңадан құрылған үш облыста — Ұлытау, Абай және Жетісу облыстарында, сондай-ақ Батыс Қазақстан облысында мұндай бірде-бір құқық бұзушылық қаралмаған.
Пиротехникалық құралдарды негізсіз пайдалану мәселесі бүкіл әлемде өзекті болып отыр. Мысалы, АҚШ-тың Тұтыну өнімдерінің қауіпсіздігі жөніндегі комиссиясы (CPSC) отшашумен байланысты жарақаттар санының айтарлықтай өсу үрдісін анықтады. CPSC есептеуінше, 2006 және 2021 жылдар аралығында АҚШ-та отшашудан жарақат алу 25%-ға өскен.
2021 жылы отшашулардан кем дегенде тоғыз адам қаза тауып, 11,5 мыңға жуық адам жарақат алды. Көбіне қол мен саусақ, сондай-ақ бас (бет, құлақ) және аяқ зардап шегеді.
Вам может быть интересно: «Криштиану Роналду жаңа командасындағы алғашқы ойынын 5 қаңтарда өткізуі мүмкін»
