Ш. Айманов атындағы «Қазақфильм» киностудиясы жаңғыртылады
Алматыда орналасқан Ш. Айманов атындағы еліміздің ең ірі киностудиясы жаңғыртылады. Бұл туралы Мәдениет және спорт министрлігінің алқа отырысында министр Асхат Оралов мәлімдеді. Ол мұндай шаралар отандық киностудияның техникалық мүмкіндіктерін жақсартып, жаңа жағдайлар жасауға жол ашатынын атап өтті.
Сонымен қатар, отандық театр ғимараттарын салу және қалпына келтіру жұмыстары жүргізіледі. Соңғы жылдары елімізде Қ. Қуанышбаев театрының жаңа ғимараты, түркі әлемінің рухани астанасы Түркістандағы музыкалық-драма театры, Петропавлдағы С. Мұқанов атындағы музыкалық-драма театрының жаңа ғимараты салынды. Атап өту керек, бұл өткен жылы СҚО аумағында Тәуелсіздік жылдары салынған алғашқы театр ғимараты болды.
«3 жылдан кейін, 2026 жылы Қазақ ұлттық драма театры өзінің 100 жылдығын атап өтеді. Аталған маңызды іс-шараға алдын-ала дайындалу керек. Барлық қалпына келтіру жұмыстары жүргізіледі. Ұлы Мұқанның мұрасы біздің өткеніміз бен бүгінімізді байланыстыратын көпір болуы тиіс», - деп атап өтті Асхат Оралов.
Вам может быть интересно: «США: время для вступления Швеции и Финляндии в НАТО настало»
