Шекарадағы 9 автомобиль және 1 теміржол өткізу пункті жөнделеді
Биыл 9 автомобиль және 1 теміржол өткізу пунктін жөндеу жұмыстары басталды. Бұл туралы Орталық коммуникациялар қызметінде өткен брифингіде Қаржы министрлігі Мемлекеттік кірістер комитеті төрағасының орынбасары Бақытжан Слямов айтты.
«Жүргізілген реконструкциялардың оң әсерін, көлік ағынының өсуін және төлемдердің түсуін ескере отырып, Мемлекеттік кірістер комитеті биылдан бастап ЕАЭО сыртқы шекарасындағы 9 автомобиль, 1 теміржол өткізу пунктін және Астана қаласындағы Мемлекеттік кірістер комитетінің бас диспетчерлік басқармасын реконструкциялауды бастады», - деді Бақытжан Слямов.
Оның айтуынша, 9 автомобиль өткізу пункті бойынша жобалық-сметалық құжаттама әзірленген. Жоспарға сәйкес, барлық бекеттердегі жөндеу жұмыстары 2024 жылдың соңында аяқталмақ.
Вам может быть интересно: «Қаңтар-қазан айларында Қазақстан экономикасының өсу қарқыны 2,5%-ды құрады»
