Синоптиктер алдағы үш күннің ауа райы болжамын жариялады
Алдағы үш күнде Қазақстанда жаңбыр жауып, арты қарға ұласады, деп хабарлайды «Қазгидромет» РМК баспасөз қызметі.
Ауа райы болжамына сәйкес, алдағы үш күнде Қазақстанның басым бөлігіне ылғалдың мол қоры бар солтүстік-батыс циклоныны ықпал етеді. Ауа райы құбылмалы болады, жаңбыр, қаржауады. 1 қарашада батыста, солтүстік-батыста, 2-3 қарашада республиканың оңтүстігі мен оңтүстік-шығысындағы таулы және тау бөктеріндегі аудандарда нөсер жауын жауады.
Республика бойынша тұман түсіп, көктайғақ болады, елдің солтүстік жартысында жел күшейіп, бұрқасын соғады. Республика бойынша температура күрт өзгермейді, тек оңтүстікте 1 қарашада ауа температурасы күндіз 10-22 градус жылы, одан кейін 2 қарашада 5-13 градусқа дейін суық болады.
Бұдан бұрын хабарланғандай, 31 қазанда Қазақстанның басым бөлігінде атмосфералық ағындардың әсерінен күн құбылмалы болады, жауын, қар жауады.
Вам может быть интересно: «2021 жылы жұмыс күші 2 есеге артты — Дүйсенова»
