ҚР Қаржы мониторингі агенттігі дизель отынының заңсыз сатылғанын анықтады
Мемлекет басшысының тапсырмасын орындау мақсатында ҚМА мұнай өнімдерін заңсыз экспорттау мен алыпсатарлыққа тосқауыл қою жұмыстарын жалғастыруда.
Жүргізген жедел-іздестіру іс-шаралары барысында оператордың ауыл шаруашылығы тауар өндірушілеріне арзандатылған дизель отынын жеткізуге арналған монополиялық жағдайын теріс пайдалану фактісін анықтады.
Мәселен, 2020-2021 жылдары жалпы көлемі 12,5 мың тоннадан астам төмендетілген бағамен дизель отынын алған ЖШС ауылшаруашылық тауар өндірушілеріне 10,3 мың тоннасын жеткізген. Ал қалған 2,2 мың тонна көлемінде дизель отынын ЖШС-ға тиесілі жанар-жағармай құю станциялары желісі арқылы сатып, 74,4 млн теңге қосымша кіріс алған.
Аталған факті бойынша сотқа дейінгі тергеу басталды.
Вам может быть интересно: «Страны Европы лидируют в восстановлении туризма»
