Түркиямен арадағы келісімдерді жүзеге асыру жеке бақылауымда болады – Президент
Мемлекет басшысы Қасым-Жомарт Тоқаев бизнес өкілдерімен кездесу барысында бұл шараның Қазақстан мен Түркия сауда-экономикалық ынтымақтастығын нығайта түсуге септігін тигізеріне сенімділік білдірді, деп хабарлайды Ақорданың баспасөз қызметі.
«Бүгін біздің елдеріміздің компаниялары арасында 30 коммерциялық құжатқа қол қойылды. Оның бәрі екі елдің алыс-берісін жандандыруға тың серпін береді деп сенемін. Баршаңызды бізбен бірлесіп, өзара тиімді жұмыс істеу үшін Қазақстанға шақырамын. Ең басты мәселе – қол жеткізетін келісімдерді жүзеге асыру. Бұл өте маңызды. Сондықтан, менің жеке бақылауымда болады!» - деді Президент.
Мемлекет басшысы келешекте қазақ-түрік достығы нығая беретініне кәміл сенетінін айтқан болатын.
Вам может быть интересно: «В Шанхае за сутки выявлено 228 новых подтвержденных случаев локального заражения COVID-19»
