«С5+1» елдері Елшілерінің АҚШ Мемлекеттік хатшысының көмекшісімен жұмыс кездесуі туралы
Қазақстан Елшілігі АҚШ Мемлекеттік хатшысының Оңтүстік және Орталық Азия істері жөніндегі көмекшісі Дональд Лумен кездесу ұйымдастырды.
Іс-шараға Қырғызстан, Тәжікстан, Түрікменстан және Өзбекстан дипломатиялық өкілдіктерінің басшылары қатысты.
Экономикалық салалардағы ынтымақтастықты дамыту, COVID-19 пандемиясының әлеуметтік-экономикалық салдарын еңсеру, сондай-ақ климаттық дағдарысқа қарсы тұру өзекті мәселелері кездесудің басты тақырыптарының біріне айналды.
Тараптар «С5+1» диалогтық алаңының маңыздылығын құптап, оның өңірлік ынтымақтастық мәселелерін шешудегі тиімділігін, оның ішінде Ауғанстан халқына гуманитарлық көмек көрсетуді атап өтті.
Сондай-ақ, қатысушылар Орталық Азия елдерінің тәуелсіздігі мен АҚШ-пен екіжақты қарым-қатынас орнатуының 30 жылдығын атап өтті және аймақтық форматтағы ынтымақтастықты одан әрі жалғастыруға үміт білдірді.
Вам может быть интересно: «Алматыда карантин талаптары жеңілдетілді »
