Елімізде 12 млн тонна астық бастырылды, деп хабарлайды ҚазАқпарат АШМ баспасөз қызметі.
«15 қыркүйектегі жағдай бойынша республика бойынша 13,2 млн га дәнді және дәнді-бұршақты дақылдар немесе жалпы алқаптардың 83,3 пайызынан өнім жиналды.
Орташа өнімділік гектарына 9,1 центнерден, жалпы 12 млн тонна астық бастырылды», деп хабарлады министрліктен.
Ведомствоның мәліметінше, негізгі егін егетін үш өңірде Ақмола, Қостанай және Солтүстік Қазақстанда 10 млн га немесе жинау алаңының 86% жиналды. Өнімділік гектарына 8,3 центнерден, 8,2 млн тонна астық бастырылды.
«Сақтау сыйымдылығы өткен жылдан қалған астық пен биылғы болжанып отырған астық көлемін сақтауға жеткілікті», делінген хабарламада.
Вам может быть интересно: «ҚР Президенті Кореяның ұлттық батыры Хон Бом Доның құрметіне орай өткен рәсімге қатысты»
