Сағынтаев Медеу ауданындағы аумақтарды абаттандыру және жол жөндеу жұмыстарының барысын тексерді
Алматы әкімі Бақытжан Сағынтаев жұмыс сапары кезінде Медеу ауданындағы жолдарды жөндеу және қоғамдық орындарды абаттандыру қарқынын тексерді.
Екі шағын ауданда инженерлік және жол инфрақұрылымы мәселелері толық дерлік шешілді. Мұзтау шағын ауданында электр желілері жаңартылып, олар 6-дан 10 кВ-қа ауыстырылды. 17 км су құбыры мен кәріз желісі тартылды, оған 274 үй қосылады. Бейсеуов көшесін жөндеу мен асфальттау жұмыстары аяқталуға жақын. Керей Жәнібек Хандар даңғылынан Іле-Алатау ұлттық табиғи паркінің эко-постына дейінгі жолдың ұзындығы 4,6 шақырымды құрайды.
Б. Сағынтаев 14,6 шақырымға жуық сумен жабдықтау және кәріз желілерінің құрылысы аяқталғаннан кейін жолдар қалпына келтіріліп жатқан Көлсай шағын ауданында болды. Электр желілері қуатты желілерге дейін жаңартылды, бұл электрмен жабдықтау сенімділігін арттырды. 3,7 шақырым жолды қалпына келтіру жұмыстары жүргізіліп жатыр. «Балқаш» су қабылдағышынан Көлсай шағын ауданына дейінгі магистральды желі салу бойынша жоба әзірленуде. 310 үй орналасқан 6 көшеге сыртқы жарықтандыру жүргізілді.
Есентай өзенінің бойында, су бөлгіштен бастап, Жамақаев көшесіне дейін денсаулыққа арналған жаяу жүргінші жолын құру жалғасып жатыр. Оның ұзындығы 4,2 км. Жаңа тереңқұр қазірдің өзінде тартымды орынға айналған. Сыртқы жарықтандыру тіректері және шағын сәулеттік пішіндер, соның ішінде қоқыс жәшіктері, орындықтар орнатылады. Мұнда балалар ойын және спорт алаңдары, жаяу жүргіншілер көпірлері мен қарау алаңдары болады. Сондай-ақ ұзындығы 6 км болатын су бөлгіштен Медеуге дейін жаяу жүргіншілер аймағының құрылысын жалғастыру жобасы әзірленуде.
Омаров көшесінде Достық даңғылынан Луганский көшесіне дейін жаяу жүргіншілер аймағында жөндеу жұмыстары жүргізілуде. Сонымен қатар бұл жерде жолды орташа жөндеу жұмыстары жүргізілетін болады. Б. Сағынтаев жол жөндеу және абаттандыру бойынша жұмыстардың сапасы мен мерзімін бақылауды тапсырды.
Вам может быть интересно: «ҚР Президенті Кореяның ұлттық батыры Хон Бом Доның құрметіне орай өткен рәсімге қатысты»
