Дэвид Кэмерон Қазақстанға келеді
24-25 сәуірде Ұлыбритания және Солтүстік Ирландия Құрама Корольдігінің Сыртқы істер, Достастық және халықаралық даму министрі Дэвид Кэмеронның Қазақстан Республикасына сапары өтеді. Бұл туралы Сыртқы істер министрлігі хабарлады.
Астанада Д.Кэмерон мемлекет басшылығының қабылдауында болып, Премьер-Министрдің орынбасары – Сыртқы істер министрі Мұрат Нұртілеумен келіссөздер өткізеді.
Сапар аясында саяси, сауда-экономикалық және мәдени-гуманитарлық салалардағы екіжақты ынтымақтастық мәселелерін, сондай-ақ өзекті өңірлік және халықаралық тақырыптарды талқылау жоспарланып отыр.
Сапар қорытындысы бойынша бірқатар екіжақты құжаттарға қол қойылады деген жоспар бар.
Бұған дейін Ұлыбританияның бұрынғы премьер-министрі Дэвид Кэмеронның Тәжікстанға сапары туралы хабарланған болатын. Ал 22-23 сәуірде Ұлыбритания Сыртқы істер министрі Лорд Дэвид Кэмерон қырғыз әріптесінің шақыруымен Қырғызстанға ресми сапармен баратынын жазған болатынбыз.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
Подписывайтесь на наш канал в Telegram
