Биыл шекара маңындағы ауылдарда 170 жобаны іске асыруға 36,6 млрд теңге бөлінді
Биыл шекара маңындағы ауылдарда 170 жобаны іске асыруға 36,6 млрд теңге бөлінді. Бұл туралы бүгін Ұлттық экономика министрі Нұрлан Байбазаров айтты.
«Қазіргі уақытта елімізде 66 шекара маңындағы ауданда 1,8 млн халық тұратын 1 383 ауыл орналасқан. Қолдау шаралары басым тәртіппен экономиканы, инфрақұрылымды, туризмді, шекара маңындағы сауданы дамыту, жұмыс орындарын құру, мемлекеттік шекарадан өту орындарын жайластыру және басқа да мәселелерді шешуге бағытталған. 2023 жылы ШҚО мен Абай облысындағы бұрынғы шекара маңы аудандары қалпына келтірілді», - деді министр.
Оның атап өтуінше, «Ауыл - ел бесігі» бағдарламасы аясында 2019-2023 жылдары 511 шекара маңындағы ауылдарда әлеуметтік және инженерлік инфрақұрылымды дамыту бойынша 1,8 мың жоба іске асырылды. 2024 жылы 170 жобаны іске асыруға 36,6 млрд теңге бөлінді.
«2023 жылы шекара маңындағы елді мекендерді сумен қамтамасыз ету мақсатында 15,6 млрд теңгеге 72 жоба іске асырылды. 44 автомобиль өткізу пункттерін қайта құру жұмыстары жүргізілуде. Барлық шекаралас елді мекендер «OTAU TV» қызметіне қосылды», - деді Нұрлан Байбазаров.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
Подписывайтесь на наш канал в Telegram
