ҚР президенті Іс басқармасы медициналық орталығының Қостанай облысындағы күндері өтеді

Токаев прибыл с рабочей поездкой в Алматы

 ҚР Президенті Іс басқармасына (ҚР ПІБ) қарасты Медициналық орталығының мамандары өңірлердегі күндер аясында 21-24 тамыз аралығында Қостанай облысына сапарлайды. ҚазАқпарат бұл туралы ҚР ПІБ-тің баспасөз қызметіне сілтеме жасап хабарлайды.

Делегация Медорталықтың JCI, ISO, GLP, GMP халықаралық стандарттарына сай мекемелері – елордадағы аурухана мен Алматыдағы Орталық клиникалық ауруханасының жетекші нейрохирург, аритмолог, гинеколог, травматолог және басқа да мамандарынан құралған. Білікті дәрігерлер медициналық мекемелерде шеберлік сабақтар өткізеді, халыққа тегін консультациялық көмек береді. Сондай-ақ Қостанай облыстық ауруханасында, Қостанай қалалық көпсалалы онкологиялық ауруханасында, Қостанай облыстық кардиология орталығында және Рудный қалалық ауруханасында күрделі операция жасайды.

Мыңжылқы Бердіқожаев – Медорталық ауруханасы хирургия жөніндегі директордың орынбасары, жоғары санатты дәрігері, нейрохирургі (облыс тұрғындарына тегін консультация береді, операция жасайды);

Аян Абдрахманов – Медорталық ауруханасы бас аритмологы, медицина ғылымдарының докторы, қауымдастырылған профессоры (Рудный қалалық көпсалалы ауруханасында күрделі операциялар жасайды).

photo
Раушан Қарабаева – Медорталық ауруханасы директорының емдеу жөніндегі орынбасары, медицина ғылымдарының докторы, жоғары санатты дәрігер, қауымдастырылған профессор («Клиникалық-фармакологиялық бөлімшенің қызметі» тақырыбында дәріс оқиды);

Назар Сейдалин – Медорталық ауруханасының бас онкологы («Сүт безі обыры мен меланома кезіндегі сақтандырушы лимфатүйіндердің биопсиясы» тақырыбында дәріс оқиды);

Марат Саршаев – Орталық клиникалық аурухананың нейрохирургия орталығының меңгерушісі, бірінші санатты нейрохирург, рентгенхирург;

Сәкен Молдағалиев – Орталық клиникалық аурухананың травматология және ортопедия бөлімінің меңгерушісі, жоғары санатты травматолог;

Асқар Ибраев-Рысбеков – Орталық клиникалық аурухананың гинекология бөлімшесінің жоғары санатты акушер-гинекологы.

Қостанай областық ауруханасында келушілерді 22 тамыз күні сағат 12:00-14:00 аралығында нейрохирург Мыңжылқы Бердіқожаев, 23 тамызда 09:00-12:00 аралығында травматолог Сәкен Молдағалиев, 09:00-12:00 аралығында гинеколог Асқар Ибраев-Рысбеков қабылдайды.

Облыстағы күндер аясында Медорталыққа қарасты Санитарлық-эпидемиологиялық орталық, Медициналық технолгиялар және ақпараттық жүйелер орталығы, «Оқ-Жетпес» емдеу-сауықтыру кешені және «Қарлығаш» балабақшасы сынды мекемелердің қызметкерлері тренинг өткізіп, тәжірибелерімен бөліседі. Өңірдің бизнес өкілдері мен медицина қызметкерлері үшін шеберлік сабақтар өткізу де жоспарланған.

Айта кетейік, биыл Медорталықтың белді мамандарынан құралған ауқымды делегация Ақтөбе, Ақмола, Атырау, Шығыс Қазақстан облыстары мен Шымкент қаласына барды. Жыл соңына дейін еліміздің барлық өңірі қамтылады деп жоспарланған.