Қонаевтағы балалар лагерінің директоры жұмыс орнында мас болып жүрген - Бас прокуратура
Алматы облысында 22 балалар лагерінің 8-і уәкілетті органдардың рұқсатынсыз жұмыс істеген және оларда санитарлық-эпидемиологиялық, өртке қарсы ережелер бұзылған. Бұл туралы Бас прокуратура хабарлайды.
Әрбір екінші балалар мекемесінің ойын және спорт алаңдарында қауіпсіздік талаптары сақталмағаны анықталды. Ескі жатын-орындары күрделі жөндеуді қажет етеді. Бұл ретте, 4 балаға арналған бөлмелерде іс жүзінде 8 немесе одан да көп адам орналастырылған.
«Бәйтерек» (Қонаев қаласы) лагерінде мемлекеттік сатып алу туралы шарттың талаптарына қайшылық бар, балалардың демалысы мен білім алуы дұрыс ұйымдастырылмаған. Қапшағай су қоймасында балалардың суға түсуі кезінде қауіпсіздігі қамтамасыз етілмеген. Оның үстіне, осы лагерь директоры жұмыс орнында мас күйінде болған. Ол әкімшілік жауапкершілікке тартылды (ҚР ӘҚБтК 440-бабы).
Тексеру қорытындылары бойынша балалар лагерлері әкімшілігінің кәмелетке толмағандарды тәрбиелеу жөніндегі міндеттерін орындамауына байланысты сотқа дейінгі тергеп-тексеру (ҚК 140-бабының 2-бөлігі) басталды.
Вам может быть интересно: «Египет повысил процентные ставки на 100 пунктов для обуздания инфляции»
