Алтын өндірісіне инвестиция, G4 қалаларды дамыту: Сингапур мен Қазақстан қандай келісімдер жасасты

2934

Сингапур Президенті Халима Якоб пен Қазақстан Премьер-Министрі Әлихан Смайыловтың қатысуымен өткен Қазақстан-Сингапур бизнес форумы аясында жалпы сомасы 275 миллион АҚШ долларын құрайтын 12 құжатқа қол қойылды. Бұл туралы «Kazakh Invest» ұлттық компаниясы хабарлайды.

Мәселен, Алматы облысының әкімдігі, «Khan Tengri Development Ltd» ЖШС компаниясы және Surbana Jurong Pte. Ltd. «G4 City» арнайы экономикалық аймағын дамыту туралы меморандумға қол қойылды. Атап айтқанда, Қапшағай су қоймасының жағалауын дамыту, сарқынды суларды тазарту және электр энергиясын өндіру арқылы қалдықтарды қайта өңдеу.

«Транскаспий халықаралық көлік маршруты» халықаралық қауымдастығы мен «Global DTC» (PSA тобының мүшесі) халықаралық бағытқа қатысушы мемлекеттердің көліктік, инфрақұрылымдық және логистикалық әлеуетін дамыту туралы келісімге келді.

Indorama Corporation Pte және Жамбыл облысының әкімдігі фосфорит кен орнын игеру және фосфорлы тыңайтқыштар шығаратын зауыт салу туралы келісімге келді.

Қол қойылған құжаттардың толық тізімі:

1. Алматы облысының әкімдігі, «Khan Tengri Development Ltd.» ЖШС және Surbana Jurong Pte. Ltd. арасындағы өзара түсіністік туралы меморандум. G4 City арнайы экономикалық аймағын дамыту бойынша ынтымақтастық;

2. «ҚТЖ» ҰК АҚ мен «PSA International» арасындағы ынтымақтастық туралы келісім;

3. «ҚТЖ» ҰК АҚ мен «PSA International» арасындағы ынтымақтастық туралы келісім;

4. Жамбыл облысының әкімдігі мен Indorama Corporation Pte арасындағы ынтымақтастық туралы меморандум. Жамбыл облысында фосфорит кен орнын игеру және фосфорлы тыңайтқыштар шығаратын зауыт салу жобасын іске асыру;

5. «Транскаспий халықаралық көлік маршруты» халықаралық қауымдастығы мен «Global DTC» (PSA тобының мүшесі) арасындағы өзара түсіністік туралы меморандум. Ұзақ мерзімді негізде дамытуға жәрдемдесу мақсатында PSA тобының мүшесі Global DTC Pte Ltd компаниясының «Транскаспий халықаралық көлік маршруты» халықаралық қауымдастығының мүшелеріне кіруі арқылы Тараптар арасындағы көлік және инфрақұрылым, Транскаспий халықаралық көлік бағытына қатысушы мемлекеттердің логистикалық әлеуетін дамыту;

6. «Qazaqstan Investment Corporation» АҚ-ның «TVM Healthcare SEA Fund with TVM Capital Healthcare» қорына қатысуының негізгі шарттары. QIC-тің TVM Healthcare SEA Fund L.P-ге қатысуы мен ынтымақтастығын дамыту;

7. «Бирюк Алтын» ЖШС мен RHT ALDIGI FINANCIAL HOLDINGS PTE арасындағы өзара түсіністік туралы меморандум. Қарағанды ​​облысында алтын өндіру жобасына инвестиция салу;

8. Алматы облысының әкімдігі мен «Singapore Cooperation Enterprise» арасындағы ынтымақтастық туралы меморандум. Сингапур тәжірибесіне негізделген түрлі бағдарламаларды жүзеге асыруда әріптестік қатынастарды дамыту, сондай-ақ туризм және цифрландыру саласындағы жобаларды дамыту;

9. Қазақстанның Сауда-өнеркәсіп палатасы мен «Singapore Business Federation» арасындағы өзара түсіністік туралы меморандум. Екіжақты сауда-экономикалық ынтымақтастықты дамыту;

10. «Астана» халықаралық қаржы орталығының әкімшілігі» АҚ мен Қазақстан-Сингапур іскерлік кеңесі арасындағы ынтымақтастық туралы келісім. АХҚО аумағына сингапурлық компанияларды тарту және жобаларды жүзеге асыру бойынша екіжақты ынтымақтастықты дамыту;

11. «Астана» халықаралық қаржы орталығының әкімшілігі» АҚ мен «Enterprise Singapore» арасындағы ынтымақтастық туралы меморандум. Сингапурлық компанияларды тарту және АХҚО-да тіркелу бойынша екіжақты ынтымақтастықты дамыту.

12. «QazTrade сауда саясатын дамыту орталығы» АҚ мен Enterprise Singapore арасындағы өзара түсіністік туралы меморандум. Логистика, азық-түлік және инфрақұрылым саласындағы екіжақты ынтымақтастықты дамыту.

   Если вы обнаружили ошибку или опечатку, выделите фрагмент текста с ошибкой и нажмите CTRL+Enter

Орфографическая ошибка в тексте:

Отмена Отправить