Қазақстан-Канада: жаңа инвестициялық мүмкіндіктер
Қазақстан Республикасы Сыртқы істер министрлігінде ҚР премьер-министрінің орынбасары – Сыртқы істер министрі Мұхтар Тілеуберді Қазақстанның Канададағы құрметті консулдарымен – «Cameco» канадалық уран компаниясының президенті Тимоти Гитцелмен және «Condor Petroleum» президенті Дон Стрюмен кездесті.
Тараптар Канадамен инвестициялық және технологиялық ынтымақтастықты одан әрі дамыту, сондай-ақ қазақстандық нарыққа жаңа инвесторларды тарту әлеуетін талқылады.
М.Тілеуберді кездесуге қатысушыларға инвестициялық ахуалды дамыту және шетелдік капитал үшін мүмкіндіктерді кеңейту бойынша елімізде қабылданып жатқан шаралар туралы айтып берді. СІМ басшысы құрметті консулдарға Қазақстанның Канададағы имиджін инвестиция үшін сенімді ел ретінде ілгерілетуге көрсеткен қолдауы үшін алғыс айтты.
Өз кезегінде канадалық компаниялардың басшылары Қазақстан экономикасына канадалық капиталды тартуға қызығушылық білдірді, сондай-ақ ағымдағы инвестициялық жобалардың іске асырылу барысы туралы хабардар етті.
Вам может быть интересно: «Қырғызстан Президенті «Ақ кеме» мәрмәр шатырында Қасым-Жомарт Тоқаевты ресми қарсы алды»