Қазақстан мен Ресей Федерациясының Башқұртстан Республикасы арасындағы ынтымақтастықты дамыту жөніндегі жұмыс тобының бірінші отырысы өтті. Оған Қазақстанның сауда және интеграция вице-министрі Қайрат Төребаев қатысты, деп хабарлады министрліктің баспасөз қызметі, деп хабарлайды Sputnik.
Қайрат Төребаевтың айтуынша, Қазақстан мен Башқұртстан арасындағы тауар айналымы 2021 жылдың қаңтар-қарашасында 336,7 миллион долларға жеткен (өсім 30,3%). Бұл ретте Қазақстаннан Башқұртстанға экспорт 47,6%-ке өсті. Башқұртстаннан импортталған тауардың көлемі 27,2% өсті.
Башқұртстанға экспорттың өсуіне мұнайдың 58,7%-ке, мұнай өнімдерінің 2,7 есе және азық-түлік тауарлары (нан және ұннан жасалған кондитерлік өнімдер - 2,2 есе, күріш - 2,4 есе) жеткізілімдерінің артуы ықпал еткен.
Сондай-ақ осы кезеңде Қазақстан пропилен полимерлерін, жылжымалы құрамның бөліктерін жеткізе бастады.
Вам может быть интересно: «В ВОЗ назвали число случаев заражения штаммом «омикрон» в мире»
