Қазақстандық спортшылар нысана көздеуден әлем кубогына қатысады
Бразилияның Рио-де-Жанейро қаласында 11-20 сәуір аралығында нысана көздеуден әлем кубогының лицензиялық кезеңі өтеді.
Әлем кубогында ел намысын қазақстандық 10 спортшы қорғайды. Олардың қатарында винтовкадан Ислам Сатпаев, Елизавета Безрукова, Александра Ле, Арина Алтухова, Никита Шахторин, Константин Малиновский сынға түседі. Ал тапаншадан нысана көздеуде Валерий Рахымжан, Эльдар Иманқұлов, Ирина Юнусметова, Руслан Юнусметов жарыс жолына шығады.
Ұлттық құрама спортшылары қазір Шымкент қаласында арнайы оқу-жаттығу жиынын өткізіп жатыр. Лицензиялық жарыста жүлдегерлер қатарынан көрінген мергендер 2024 жылғы Париж Олимпиадасына жолдама алады. Ал қалған жолдамалар мамырда Германияның Мюнхен қаласындағы әлем кубогының кезеңінен кейін олимпиадалық рейтинг қорытындысы бойынша таратылады.
Еске салсақ, бұдан бұрын семсерлесуден Қазақстан ерлер құрамасы Грузия астанасы Тбилисиде өтіп жатқан әлем кубогінде қола жүлдегер атанды.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
Подписывайтесь на нашу страницу в Facebook
