Транскаспий халықаралық көлік бағытын күшейту үшін не істелініп жатыр
Көлік министрлігі Транскаспий халықаралық көлік бағытын күшейту үшін қандай іс-шаралар қолға алынғанын мәлім етті.
Айта кетерлігі, өткен жылдан бері бұқаралық ақпарат құралдарында Ресей тарапы Қазақстан аумағын айналып өтетін «Оңтүстік көлік дәлізіне» бастамашылық жасағаны туралы мәлімет тараған болатын. Осыған орай Көлік министрлігінен аталған дәліздің Транскаспий халықаралық көлік бағытына қаншалықты бәсекелес бола алатындығын сұраған едік.
«Министрлік бүгінде Транскаспий халықаралық көлік бағытынан жүктерді басқа балама бағыттарға бағдарлауға жол бермеу мақсатында инфрақұрылым мен терминалдық қуаттарды жақсарту, порт қуаттарын кеңейту, жылжымалы құрамды ұлғайту, әкімшілік кедергілерді алып тастау және тасымалдаушылар үшін қолайлы жағдайлар жасау бойынша белсенді жұмыс жүргізуде», - деп жауап берді ведомстводан.
Ресей бастама жасап отырған «Оңтүстік көлік дәлізі» - бұл теңіз және құрлық жолдарын қосатын мультимодальды бағдар. Ол бастауын Қырғызстаннан алып, Өзбекстаннан өтіп, Түрікменстанның Каспий теңізіндегі Түрікменбашы портына дейін созылады. Одан ары теңіз арқылы Астраханьға жетеді.
Вам может быть интересно: «Костенко шахтасының 9 лауазымды тұлғасы күдікті деп танылып отыр – Бас прокуратура»
Подписывайтесь на наш канал в Telegram
