Қазақстан құрамасы шахматтан әуесқойлар арасында екінші орын алды
12 ноября 2023 08:21
3932
Оманның астанасы Маскатта әуесқойлар арасында шахматтан әлем чемпионаты аяқталды, деп хабарлайды Kazinform агенттігі ҚР Туризм және спорт министрлігінің баспасөз қызметіне сілтеме жасап.
Жарыс Швейцария жүйесі бойынша өтті. Онда Қазақстан құрамасы 2 алтын медаль жеңіп алып, жалпыкомандалық есепте 2-орынға табан тіреді.
23 жасқа дейінгі шахматшылар арасында Әбілмансұр Абдулқайыр (ерлер) және Арнаш Бауыржан (әйелдер) чемпион атанды. Чемпионаттың үздік құрамасы 6 медалі бар (оның 4-еуі алтын) Моңғолия болды. Жүлделі үшінші орынды Үндістан құрамасы (2 күміс, 1 қола) иеленді.
FIDE ұйымдастырған әлем чемпионаты 3 жас санатында (U17, U20, U23) өтті.
Если вы обнаружили ошибку или опечатку, выделите фрагмент текста с ошибкой и нажмите CTRL+Enter
