Өзбекстан Шардараға су ағынын екі есе арттырады
Өзбек тарапымен Шардара су қоймасына су ағынын 200 м3/сек дейін ұлғайту туралы уағдаластыққа қол жеткізілді, деп хабарлайды ҚР Экология және табиғи ресурстар министрлігі.
Биыл 28 шілдедегі жағдай бойынша сағат 7:30-дан (Ташкент уақыты бойынша) «Достық» бас құрылысынан Сырдария өзенінің тұсына су ағызу көлемі 20 м3/сек жүзеге асырылады. Суды ағызу «Ақжар» гидропостына («Бахри Точик» су қоймасына ағын) ағынның ұлғаюы және тиісінше су қоймасынан ағынның ұлғаюы есебінен жүзеге асырылады.
Сонымен қатар өзбек тарапы «Достық» бас құрылысынан Сырдария өзенінің тұсына ағызылатын су шығынын 50 м3/сек дейін жеткізуге ниетті.
Сонымен қатар, сол күні Чарвак су қоймасынан (Газалкент ГЭС) өткен күнмен салыстырғанда (ағымдағы жылдың 27 шілдесі) су жіберу 290 м3/сек-тен 310 м3/сек дейін ұлғайтылды.
Алайда, бұл су көлемі Сырдария өзенінің бөгетінде су ағызуды жүзеге асыру үшін жеткіліксіз және Чирчик өзенінің бассейнінде суару қажеттілігі үшін су шаруашылығы арналары арқылы жіберіледі.
Анықтама: 2023 жылғы 27 шілдедегі жағдай бойынша Чарвак су қоймасындағы су көлемі – 1936 млн м3 (ең жоғарғы көлемі – 2006 млн м3).
Вам может быть интересно: «Председатель Еврокомиссии: Европа не потерпит агрессии «ни в Украине, ни в Индо-Тихоокеанском регионе»»
