Алматы - Бішкек тасжолына алып баратын жол ашылды
Алматы өңірінде «Асыл Арман» тұрғын үй кешені маңындағы эстакадада көлік қозғалысы ашылды, деп хабарлайды «ҚазАвтоЖол» ұлттық компаниясы.
«Асыл Арман» тұрғын үй кешені маңындағы эстакадада қауіпсіз көлік қозғалысы қамтамасыз етілді. Негізгі құрылыс жұмыстары аяқталды. «Асыл Арман» тұрғын үй кешені тұрғындары «құбыр» үлгісіндегі жолайрық арқылы Алматы қаласына қарай және республикалық маңыздағы «Алматы - Бішкек» тасжолына кедергісіз шыға алады. Сондай-ақ жол қозғалысы қауіпсіздігін қамтамасыз ету үшін қажетті жол белгілері орнатылып, жол таңба сызығы жаңартылды», - деп жазды ведомстводан.
Биылғы күзде нысан пайдалануға берілмек.
Мердігер ұйым келісімшартқа қол қойған күннен бастап бір жылға жуық уақыт аралығында жол қозғалысын қамтамасыз етті.
Вам может быть интересно: «Количество новых автомобилей выросло за год почти на треть»