Талдықорғандық студенттер сабаққа қатысуды қадағалайтын қосымша әзірледі
Талдықорған жоғары политехникалық колледжінің студенттері Жетісу облысының сыбайлас жемқорлыққа қарсы қызметімен бірлесіп студенттердің сабаққа қатысуын бақылайтын қосымша ойлап тапты. Бұл туралы Оқу-ағарту министрлігі хабарлайды.
Студенттер оқу орнының кіреберісіне қойылған QR-кодтарды пайдаланып, сабаққа келгендерін растайтын болады. Ол серверге автоматты түрде жазылады. Қосымша – сабаққа қатысуды есепке алу және бақылаудың тиімді жолы.
«QR-код арқылы студенттердің сабаққа келуін бақылау оқу орны үшін ыңғайлы, білім алушылардың да жауапкершілігін арттырады. Әр студент келген бойда QR-кодты телефон арқылы сканерлейді. Оның қай уақытта келгені автоматты түрде базаға енгізіледі. Үйде отырып сурет арқылы сканерлеу мүмкін емес. Сондықтан, сессия кезінде әр студенттің үлгерімі мен сабаққа қатысуы анық көрінеді. Бұл – студенттер арасында сыбайлас жемқорлыққа қарсы мәдениетті қалыптастыруға жасалған қадамның бірі», - дейді колледж педагогі, жоба жетекшісі Бақтияр Сатқұлов.
Жоба қазіргі таңда толықтай дайын, пайдалану үшін оқу жылының басында жаңадан қабылданған студенттердің мәліметтерін деректер қорына енгізу қажет. Студенттер әзірлеген QR-код Талдықорған жоғары политехникалық колледжіне орнатылды. Алда облыстың барлық колледж, жоғарғы оқу орындарына ұсынылмақ.
Вам может быть интересно: «Пентагон: ЧВК «Вагнер» не участвует в боевых действиях в Украине»
Подписывайтесь на наш канал в Telegram
