Еңбек министрлігі қазақстандықтарды 50 мың теңге сыйақы аламын деп алданып қалмауға шақырды
ҚР Еңбек және халықты әлеуметтік қорғау министрлігі халыққа онлайн сауалнама жүргізіп, кейіннен 50 мың теңге мөлшерінде сыйақы төлейтіні туралы мессенджерлер мен әлеуметтік желілерде таратылып жатқан ақпарат шындыққа жанаспайды. Бұл туралы министрлік хабарлайды.
Азаматтарға алаяқтар мұндай хабарламаларды жеке аккаунттар мен банктік шоттарға қол жеткізу үшін қолдануы мүмкін екенін ескертеміз. Ешқашан күмәнді сілтемелерге өтпеңіз және алаяқтықтың құрбаны болмас үшін жеке мәліметтеріңізді қалдырмаңыз.
Азаматтардан жалған ақпаратқа назар аудармауды және ақпаратты тек ресми көздерден ғана алуды сұраймыз.
Жалған ақпаратты тарату заң бойынша жазаланатынын еске саламыз.
Вам может быть интересно: «В Пекине допустили, что первый случай «омикрона» связан с посылкой»
