Елордалық МИБ орталығында «Elorda Korshiler» бағдарламасын жүзеге асыру туралы айтты
Елордада "Elorda Korshiler" ішінара күрделі жөндеу жүргізуді талап ететін үйлердің тізілімін жасау бойынша қалалық бағдарлама әзірленді. Оған қатысу шарттары мен оны іске асыру мақсаттары туралы Нұр-Сұлтан қаласы МИБ орталығының басшысы Гүлвира Абетова онлайн-брифингте мәлімдеді, деп хабарлайды елорда әкімдігінің ресми сайты.
Elorda Korshiler - пәтерлер мен тұрғын емес үй-жайлардың меншік иелерінің көп пәтерлі тұрғын үйді дамыту жөніндегі қалалық бағдарламасы.
"Бағдарлама үй кеңесі құрылған және басқару нысандарының бірі – мүлік иелерінің бірлестігі немесе жай серіктестік анықталған үйлер үшін жарамды. Басты міндет-барлық көршілерді өз үйінің жалпы мәселелеріне біріктіру. "Elorda Korshiler" бағдарламасы мүлік иелерінің тұрғын үйді басқару және күтіп ұстау мәселелерін шешу үшін көршілердің тату қарым-қатынасын дамытуға бағытталған", - деп түсіндірді Гүлвира Абетова.
Оның айтуынша, азаматтар ай сайын төлейтін қаражаттың сапасыз жұмсалуы мен ысырап болуының бір себебі – меншік иелерінің немқұрайлылығы. Сондықтан пәтерлер мен тұрғын емес үй-жайлар иелерінің жиналысы жалпы үй мүлкін басқаруға байланысты мәселелерді шешудің жалғыз тиімді құралы болып табылады.
"Elorda Korshiler" бағдарламасы шеңберінде күрделі жұмыс түрлеріне (шатыр, қасбет, инженерлік жүйелер, абаттандыру) шығындар бойынша бағалау жүргізу үшін көп пәтерлі тұрғын үйлердің бірыңғай тізілімі қалыптастырылады.
"Бағдарлама бірнеше кезеңнен тұрады. Бірінші кезең-меншік иелерінің өздерінен үйдің қажеттіліктеріне сәйкес тізілім қалыптастыру. Келесі кезеңдер туралы бірінші кезеңнің іске асырылуына қарай айтатын боламыз. Қысқаша айтқанда, тізілімді қалыптастырғаннан кейін қалалық мәслихаттың қарауына шығару үшін аналитика мен жұмыс тобы құрылады", - деп толықтырды қалалық орталық басшысы.
Вам может быть интересно: «Меркель объяснила выбор песни для церемонии прощания с должностью канцлера»
