Алматыда Төле би көшесі уақытша жабылады
Алматыдағы Төле би көшесінің кей учаскелерінде көліктердің жүруіне тыйым салынады, деп хабарлайды ҚазАқпарат тілшісі.
«14 тамыз бен 25 қыркүйек аралығында Төле би көшесінің бойы, атап айтқанда А. Байтұрсынов пен Қ.А Яссауи көшелерінің аралығы жабылады», - деп хабарлады Алматы қаласының мобильділік басқармасы.
Уақытша шектеу жоспарлы жөндеу жұмыстарын жүргізу үшін енгізілді.
Сонымен қатар, Б. Момышұлы көшесі мен Райымбек даңғылы қиылысындағы жолайрығында жөндеу жұмыстарының жүргізілуіне байланысты 13-23 тамыз аралығында Момышұлы көшесінде көлік қозғалысы уақытша шектеледі.
Басқарма өкілдері тұрғындарды қолайсыздыққа түсіністікпен қарап, аталған учаскелерді айналып өту жолын алдын ала қарастыруды сұрайды.
Вам может быть интересно: «Талибы заявили о мирном подходе к решению ситуации в Афганистане»
Подписывайтесь на нашу страницу в Facebook
