Қазақстандықтардың көлік салығынан қарыздары 22,4 млрд теңгені құрады

21426

Алматы облысында құқық бұзушылардың көп саны тіркелді

ФОТО: Depositphotos/anyaberkut

Жалпы республика бойынша 2023 жылғы 12 маусымдағы жағдай бойынша жеке тұлғалардың көлік құралдары салығы бойынша берешегі 496,7 мың салық төлеуші бойынша 22,4 млрд.теңгені құрады, оның ішінде негізгі қарызы – 17,5 млрд. теңге, өсімпұл – 4,9 млрд. теңге, деп хабарлайды ҚР ҚМ МКК баспасөз қызметі. 

Олардың ішінде көлік құралдары салығы бойынша салық міндеттемелерінен жалтарған автокөлік иелерінің ең көп саны келесі өңірлерде тіркелген:

Алматы облысы – 57,7 мың адамның қарызы 3,0 млрд.теңге;

​Алматы қ. – 53,6 мың адамның қарызы 4,9 млрд. теңге;

Түркістан облысы – 53,6 мың адамның қарызы 1,2 млрд. теңге;

Шымкент қ. – 39,9 мың адамның қарызы 1,5 млрд. теңге;

Астана қ. – 37,0 мың адамның қарызы 2,5 млрд. теңге.

2022 жылға жеке тұлғалардың көлік құралдарына салық төлеу мерзімі 2023 жылғы 1 сәуірде аяқталғанын еске саламыз.

2023 жылғы 19 мамырдан бастап салық сомасын уақтылы төлемеген тұлғаларға 1 АЕК-тен жоғары берешек сомалары бойынша жеке тұлғаның берешегін өндіріп алу туралы салық бұйрықтарын жолдау басталды.

Берешек төленбеген жағдайда салық бұйрығы табыс етілген күннен кейін 5 жұмыс күні өткен соң, жеке сот орындаушыларының өңірлік палатасына мәжбүрлеп орындатуға жіберіледі. Өз кезегінде, жеке сот орындаушылары "Атқарушылық iс жүргiзу және сот орындаушыларының мәртебесi туралы" Қазақстан Республикасының Заңына сәйкес банк шоттары мен мүлкіне тыйым салу түрінде мәжбүрлеп өндіріп алу шараларын қолдануға құқығы бар. Оның ішінде 40 АЕК-тен асатын қарыз болса, азаматқа ел аумағынан шығуға тыйым салынуы мүмкін.

Бұдан басқа, мемлекеттік кірістер органдары уәкілетті органдармен бірлесіп (Полиция департаменті мен Жеке сот орындаушыларының өңірлік палатасы) ағымдағы жылдың басынан бастап көлік құралдары салығы бойынша берешегі бар жеке тұлғаларға қатысты күн сайын рейдтік іс-шаралар өткізуде.

2023 жылғы 5 айының қорытындысы бойынша 10 152 рейд жүргізіліп 413 автокөлік құралы айыппұл тұрағына қойылды. Нәтижесінде 963,7 млн. теңге мемлекеттік бюджетке түсті.

   Если вы обнаружили ошибку или опечатку, выделите фрагмент текста с ошибкой и нажмите CTRL+Enter

Орфографическая ошибка в тексте:

Отмена Отправить
КАК ДЕЛАЛИ РЕЙТИНГ БОГАТЕЙШИХ БИЗНЕСМЕНОВ КАЗАХСТАНА Смотреть на Youtube