ҚР Денсаулық сақтау министрлігінің басшысы Оралдағы ОКА ұжымымен кездесті

ҚР Денсаулық сақтау министрі Ажар Ғиният Батыс Қазақстан облысына жұмыс сапары барысында облыстық көпбейінді ауруханаға барды.

Денсаулық сақтау министрлігінің басшысы аурухананың қабылдау бөлмесін аралап, пациенттерді бөлудің триаж жүйесімен танысты және шұғыл медициналық көмекті ұйымдастыру бойынша өз ұсыныстарын айтты.

"Облыстық аурухананың деңгейі өңірде медициналық көмек көрсетудің барлық көрінісін, барлық бағыттар бойынша ұтымды тәсілдерді талдау мен әзірлеуді болжайды. Бұл кадрлық қамтамасыз етуге, ауруханаға жатқызу процесін ұйымдастыруға, жабдықтарды сатып алуға, жоспарлы және шұғыл көмек арасындағы дисбалансқа, емханалық қызметпен өзара іс - қимыл жасауға және т.б. қатысты", - деп атап өтті Ажар Ғиният ОКА бас дәрігері Арман Байдеуовке.

Аурухана ұжымының алдында сөз сөйлеген ведомство басшысы медицина қызметкерлерін қолдау жөніндегі заң жобасы туралы айтып берді, ол республикада алғаш рет шетелдердің үлгісі бойынша дәрігерлік қызметті сақтандыруды енгізуді көздейді. Енді пациенттердің денсаулығына зиян келтіргені үшін сақтандыру қаражатынан төлемдер төленетін болады.

"Коронавирустық пандемия және қаңтардағы оқиғалар қоғамдағы медициналық кәсіптің ерекше құндылығын көрсетті. Біз Мемлекет басшысы тарапынан дәрігерлердің бағалауына үлкен көңіл бөлдік, медицина қызметкерлерінің марапаттарының саны 40 есеге артты", - деп жалғастырды А.Ғиният.

Кадрлық қамтамасыз етудегі қолдау туралы айта келе, ол резидентураға гранттар көбейетінін, әкімдер де мамандар даярлауды қаржыландыруды ұлғайтуға дайын екенін еске салды.

"Салынған әрбір теңге әсер әкелуі тиіс, сіздердің адамдарыңызға пайда әкелетін барлық нәрсені жасау керек",-деп атап өтті А.Ғиният.

"Әдістеме өздігінен жұмыс істемейді, әлемдік, озық, мықты идеология, денсаулық сақтау стратегиясы қажет, емделушілерге деген көзқарасты өзгерту керек", - деп қорытындылады Денсаулық сақтау министрлігінің басшысы.