Вакцина алған адам қашан донор бола алады
Коронавирусқа қарсы вакцина алған донор бола ала ма? Бұл сұраққа орталық коммуникациялар қызметінде Денсаулық сақтау министрінің бірінші орынбасары Марат Шоранов жауап берді, деп хабарлайды ҚазАқпарат.
«Жалпы вакцина алған адамның донор болуына ешқандай шектеу жоқ. Тек бір ғана шектеу бар. Екпе алғаннан кейін екі аптаның ішінде донор болуға болмайды. Ал жалпы ғалымдардың мәліметі бойынша ондай шектеулер жоқ», - деді вице министр.
Осы шарада Санитарлық-эпидемиологиялық бақылау комитетінің төрағасы Айжан Есмағамбетова вакцина алған қазақстандықтардың 0,05 пайызы қайта індет жұқтырғанын айтты.
«Вакциналарға жіктеп айтсақ, «Спутник V» бойынша 2 024 жағдай анықталды. Бірінші компонент – 1 190, екінші компонент – 834. QazVac бойынша 40 жағдай тіркелді. Сәйкесінше, 21 және 19. Hayat-Vax бойынша 140 (89/51) және CoronaVac бойынша 6 адам бірінші дозадан кейін коронавирус жұқтырған. Осының бәрін қоссаңыз 2 212 жағдай шығады. Бірақ бұл мәліметті абсолютті сандар көлемінде қолдану дұрыс емес деп ойлаймын. Бүгінде бізде 4 миллионға жуық адам екпе алған. Соның 0,05 пайызы вакцина алғаннан кейін ауырған деген сөз», - деді Айжан Есмағамбетова.
Вам может быть интересно: «Ақтөбелік шаруалар Маңғыстауға мал азығын тегін бермек»
Подписывайтесь на наш канал в Telegram
