Қазақстандықтар өмір сапасына қанағаттана ма?

2023 жылдың наурыз айында жүргізілген «Халықтың тұрмыс сапасы» зерттеу қорытындысы бойынша респонденттердің 41,8% өз өмірлеріне қанағаттанған, бұл ретте олардың үлесі ауылдық жерлерде – 46,5% (қалада – 39,6%). Өз өміріне қанағаттанған ер адам үлесі – 45,4%, әйелдерде – 39,5%.

2022 жылғы осы тектес зерттеумен салыстырғанда респонденттердің өміріне қанағаттану деңгейі 0,5 п. т. өсті (2022 жылы – 41,3%). Ал 2021 жылға қарағанда 19,5 п. т. төмен (2021 жылы – 61,3%).