Банк ғимаратында кепілге алынған адамдардың үшеуі шок алды
Астана қаласының қоғамдық денсаулық сақтау басқармасы бүгін елордадағы банктердің бірінде кепілге алынып, кейін босатылған адамдардың денсаулық жағдайына қатысты мәлімдеме жасады, деп хабарлайды ҚазАқпарат тілшісі.
«18 маусымда ер адам елордалық банкте адамдарды кепілге алды. Олардың арасында жарақат алғандар жоқ. Жедел медициналық көмек қызметкерлері 3 адамды тексеру кезінде олардың қатты күйзеліске түскенін анықтады. Кепілге алынған адамдарды ауруханаға жатқызудың қажеттілігі жоқ», - делінген басқарманың баспасөз қызметі тартқан хабарламада.
Еске салайық, елордадағы Kaspi банктің ғимаратында қаруланған ер адам бірнеше кісіні кепілге алғанын хабарлап едік.
Полиция қызметкерлері кепілге алынған адамдарды босатты.
Ішкі істер министрі Марат Ахметжанов қазір күдіктіге қатысты тергеу амалдары жүріп жатқанын мәлім етті.
Вам может быть интересно: «Германия президенті Қазақстанға мемлекеттік сапармен келеді»