Қостанай облысында картоп тұқымын сатып алуға бөлінген 96 млн теңге ұрланған
Қостанайда картоп тұқымын сатып алу үшін бөлінген 96 млн теңге бюджет қаражатын жымқырған азамат анықталды, деп хабарлайды Қаржылық мониторинг агенттігінің баспасөз қызметі.
ҚМА Қостанай облысы бойынша департаменті ауыл шаруашылығы саласы субъектілерінің сенімін теріс пайдалану және алдау жолымен ауыл шаруашылық тауарларының сапасы мен өнімділігін арттыру бағдарламасы аясында субсидия түрінде, соның ішінде картоп тұқымын сатып алу үшін бөлінген бюджет қаражатын бірнеше рет жымқырған азаматқа қатысты қылмыстық істі аяқтады.
Осы азаматтың қылмыстық әрекеттерінің нәтижесінде мемлекетке келтірілген жалпы шығын көлемі шамамен 96 млн теңгені құраған.
ҚР ҚПК 201-бабына сәйкес өзге ақпарат жариялауға жатпайды.
Вам может быть интересно: «Қазақстанда түсті металлургия өндірісінің көлемі 7,6 пайызға артты»