ҚР Ұлттық экономика министрі Атырау облысының кәсіпкерлерімен кездесу өткізді

Астанада биыл құрылыс салушылар 100 мыңнан аса жасыл желек отырғызады

Жергілікті кәсіпкерлердің айтуынша, бүгінгі таңда өзекті мәселелердің бірі - инфрақұрылым жүргізу жобаларын қаржыландыру болып табылады.

Мәселен, Кәсіпкерлікті дамыту жөніндегі ұлттық жобаның шарттарына сәйкес, жобаға салынатын инвестиция көлемі 200 млн. теңгеден кем болмауы тиіс. Көптеген ШОБ субъектісі үшін бұл мемлекеттік қолдау қолжетімді емес.

Осыған байланысты кәсіпкерлер құны 50 млн. теңгеге дейінгі ШОБ жобалары үшін жергілікті бюджеттен инфрақұрылым жүргізуді қаржыландыру тетігін құруды ұсынды. Сондай-ақ, жергілікті бюджеттен жобалау-сметалық құжаттаманың және техникалық-экономикалық негіздеменің шығыстарын өтеу тәртібін енгізуді қарастыру, ұлттық жоба шеңберінде микробизнес субъектілері үшін инфрақұрылымды жүргізудің арнайы тетігін енгізу ұсынылады.

ҰЭМ басшысы ТЭН мен ЖСҚ шығындарын өтеу талқылауды қажет ететінін атап өтті.

"Біз кейбір ұсыныстарды қолдай аламыз. Бірақ бәрін емес. Себебі ол бюджетке ауырлық түсіреді. Тікелей тәуекелдер түріндегі шығындар мен жұмыстардың белгілі бір бөлігін бизнес көтеруі керек. Біз бәсекеге қабілетті экономикаға көшуіміз керек. Микробизнес үшін жергілікті бюджеттен арнайы тетіктер беру мәселесін қарастырамыз", - деді Ә.Қуантыров.

Бұдан әрі кәсіпкерлер екінші деңгейдегі банктер ауылдық жерлердегі кепіл құнын төмен бағалайтынына шағымданды. Сонымен қатар, жобалар баяу қаралады. Бұл ауылдардағы іскерлік белсенділіктің әлсіреуіне әкеледі.

Шешім ретінде олар Кәсіпкерлікті дамыту жөніндегі ұлттық жобаға маңызды өлшемшарттар белгіленген ауыл кәсіпкерлерін несиелендіру жөніндегі бөлімді қосымша енгізуді ұсынады.

"Шынында да, ЕДБ кепілдік мүліктің құнын нақты құнның 30-дан 50% - на дейін төмендетеді. Мәселемен уәкілетті орган айналысады. БЖК 2020-2025 шеңберінде қосымша Кредиттеу мен субсидиялау және ауылдар мен шағын қалаларға арналған басқа да бағдарламалар бойынша кредиттеу ставкасы 1 п. т. төмен. Ағымдағы жылы 260 млрд. теңге қарастырылған. Бұл өткен жылмен салыстырғанда 100 млрд.теңгеге артық. Ауылдарда жұмыс орындарын құру қажет. "Ауыл аманаты" жобасы мен "Ауыл – ел бесігі" бағдарламасы шеңберінде ауылдарды дамытуға жағдай жасау қажет", - деді министр.

Кездесу барысында кірпіш шығаратын зауыт өкілдері 2021 жылдан бастап өз өнімдерін жергілікті нарықта сата алмай жүргендерін айтты.

Жылына 500 тонна жүнді қайта өңдеу қуаты бар және үйге арналған 200 мың жүн өнімдерін шығаратын зауыты да осындай проблемаға тап болған.

ҰЭМ басшысы жергілікті билік бұл мәселені қарастыруы тиіс екенін айтты. Импортты алмастыру шаралары шеңберінде қолдау қажет.

Ведомство басшысы бизнестің шағымдары мен ұсыныстарын тыңдап, ҰЭМ құзыретіндегі мәселелер мұқият қаралатынын, басқалары құзыретті органдарға берілетінін атап өтті.