Қарамағындағылардан ақша алған Кинология орталығының бастығы сотталды
ҚР ІІМ Кинология орталығының бастығы сотталды. Бұл туралы Сыбайлас жемқорлыққа қарсы іс-қимыл агенттігі хабарлады.
«Сыбайлас жемқорлыққа қарсы қызмет ҚР ІІМ Кинология орталығының бастығы А.А. Болғымбаеваға қатысты лауазымдық өкілеттіктерін теріс пайдалану фактісі бойынша қылмыстық істі тергеуді аяқтады. А. Болғымбаева 2021-2022 жылдары өзінің қарамағындағылардан жалпы сомасы 1 675 000 теңге болатын, сыйлықақы төлемі ретінде берілген ақшалай алым жасады деп күдікке ілінген», - делінген хабарламада
Алматы қаласы бойынша Түрксіб аудандық сотының 19 мамырдағы үкімімен А.А. Болғымбаева мемлекеттік органдарда қызмет атқару құқығынан өмір бойына айыра отырып, 2 жылға бас бостандығын шектеуге сотталды.
Үкім заңды күшіне енген жоқ.
Вам может быть интересно: «Колледждердің 5 200 оқытушысы ірі кәсіпорындарда өндірістік тәжірибеден өтті»
Подписывайтесь на нашу страницу в Facebook