Цой жаңа жылдық корпоративке қатысты қазақстандықтарға кеңес берді

Денсаулық сақтау министрі Алексей Цой қазақстандықтарға жаңа жылдық отырысты отбасы ішінде өткізуге кеңес берді, деп хабарлайды Sputnik Қазақстан.

"Жаңа жыл отбасылық мереке болғандықтан, оны отбасымен бірге өткізуге кеңес береміз. Вирус ешқайда кетіп қалған жоқ, сондықтан мүмкіндігінше аз өткізген жөн. Өкінішке орай, ауру тарап жатыр, ауру жұқтырғандар мен қайтыс болғандар анықталып жатыр, сол себепті өзіңізді қорғап, отбасымен бірге көбірек болу керек", - дейді Цой.

Министр корпоратив, ауқымды іс-шараларды өткізбеуге шақырды.

"Адамдар бір жерде жиналса да, адам санына қатысты арнайы талаптар бар. Бұл аурудың жаппай таралуын шектеу үшін қажет", - деді ол.

Ол сондай-ақ денсаулық сақтау министрлігінде жаңа жылдық корпоратив болмайтынын мәлімдеді.

"Біз қазір шараларда арақашықтық сақтауға болатын кей конференцияны қоспағанда ауқымды іс-шаралар өткізбейміз", - деді Алексей Цой.

: Если вы обнаружили ошибку или опечатку, выделите фрагмент текста с ошибкой и нажмите CTRL+Enter
630 просмотров
Поделиться этой публикацией в соцсетях:

Орфографическая ошибка в тексте:

Отмена Отправить